Таркибга ўтиш ↓

UWC қандай ташкилот?

UWC (United World Colleges) – глобал ҳаракат бўлиб, таълимни одамлар, халқлар ва маданиятларни тинч ва барқарор келажак йўлида бирлаштира оладиган кучга айлантиради.     

You have not allowed cookies and this content may contain cookies.

If you would like to view this content please

UWC ҳаракатининг негизини  - таълим турли маданиятларга мансуб ёшларни умумий қарашлари ва инсонпарварлигига асосан, шунингдек шахсий намунаси ва мардона етакчилик хусусияти билан ижобий ижтимоий ўзгаришлар қилишга интилишига асосан бирлаштира олишига ишонч ташкил қилади. Мазкур ҳаракат вакиллари учун қуйидаги қадриятлар муштаракдир:

  • Турли халқлар ва маданият вакиллари ўртасидаги  ўзаро тушуниш
  • Хилма-хиллик тантанаси
  • Шахсий масъулият ва ҳар бир кишининг интизомлилиги
  • Атрофдагиларга нисбатан масъулият ва ўзаро ҳурмат-иззат
  • Раҳмдиллик ва жамиятга хизмат қилиш
  • Атроф-муҳит ҳақида ғамхўрлик
  • Идеалларга садоқат
  • Салмоқли натижаларга интилиш
  • Фаолият ва шахсий ибрат

UWC ўз вазифаларини амалга ошириш учун  турли маданият ва ижтимоий гуруҳларга мансуб ёшларга таянган ҳолатда иш олиб боради. Бу ёшларни ўз навбатида инсон ҳуқуқлари, толерантлик, ўзаро тушуниш ва ёрдам кўрсатишдек инсонпарварлик қадриятлари бирлаштиради. Ҳаракат қадриятларини ўзида ифода эта олган болаларга,  UWC коллежларида бирга таълим олиш учун имконият яратилади. Бу ўринда ижтимоий муҳит ва Халқаро бакалавриат (IB) таълим дастури болаларни янада ривожланишга, жамиятни ижобий шахсий намуна кўрсатиш орқали яхши томонга ўзгартира олувчи лидерга айланишга имкон яратади.

Бугунги кунда  UWC ҳаракати дунёнинг тўрт минтақасидаги 18 коллеж ва 150 давлатида жойлашган ваколатхоналардан иборат. UWC коллежлари учун талабалар мазкур давлатларда жойлашган расмий ваколатхоналар – Миллий қўмиталар томонидан танлаб олинади.

Ўқишга кириш учун топширилган аризаларни кўриб чиқишда ҳар бир номзоднинг қобилиятлари ва  салоҳияти ҳал қилувчи аҳамият касб этади. UWC томонидан қабул қилинган тартиб-қоидага мувофиқ, номзоднинг молиявий ҳолати унинг таълим олиш имкониятига таъсир кўрсатмайди. Шунинг учун таълим олувчиларнинг 70 фоизи таълим харажатларининг тўлиқ ёки бир қисмини қоплайдиган грантлар соҳиби бўлишади. Шу билан бирга,  UWC ўзининг 18 та коллежларидаги кампуслар базасида ва улардан ташқарида кўплаб одамларни инновацион таълим олиш жараёнига жалб этиб, қисқа муддатли таълим дастурларини ташкил этиб боради.

UWC ҳаракатининг қадриятлари, жумладан ижтимоий йўналишда амалга ошириладиган ҳамда кўзга ташланадиган фаолият турлари талабалар ҳаётида бир умр эсда қолади. Айни пайтда, UWC коллежларини битирганларнинг халқаро тармоғига 60 000дан ортиқ одам аъзодир. Уларнинг ҳар бири маҳаллий, миллий ва глобал муаммоларнининг ҳал қилинишида ўзларининг шахсий ҳиссалари муҳим эканига ишонади.