Таркибга ўтиш ↓

Талабалар ҳақида ғамхўрлик

UWCда  талабаларнинг яшаши, шахсан ва жамоавий камол топиши ҳамда қўллаб қувватланишига алоҳида эътибор берилади. Бизнинг коллежларда  турли мамлакатлардан келган талабалар бирга яшайди ва ўқийди. Бундаги энг муҳим омил, уларнинг уйидан узоқда,  бошқа маданий ва кўп тиллилик шароитида  ўзларини эркин ҳис қилишларидир.

UWCнинг ҳар бир коллежида юқори малакага эга мутахассислар (синф раҳбарлари ва мураббийлар, маслаҳатчи ва тиббиёт ходимлари, руҳшунослар, психотерапевтлар) фаолият кўрсатади.  Талабаларга ёрдам бериш ва ғамхўрлик кўрсатиш уларнинг вазифаларидир. Бундан ташқари, коллежларда тенгдошларни қўллаб-қувватлаш тизими амал қилиб, у талабаларни янги шароитга мослашишига ёрдам беради. Зарур ҳолларда, коллеж ҳудуди ва ундан ташқарида ҳам тиббий ёрдам кўрсатилади.

Талабалар ўқиш бошланиши билан маданий хилма-хиллилик ва миллатлараро муносабатлар масаласини ўрганиш мақсадида  ташкил этиладиган махсус курсларда таълим оладилар. Ўқиш жараёнида талабалар кампусларда яшаш шароитларини баҳолаш ва ўзгартириш муаммолари  юзасидан талаб ва таклифларини берадилар. Бу эса уларнинг аъло ўқиши ва бемалол яшаши учун қулайлик яратади. UWCнинг кампусларидаги турмуш тарзи ва кундалик ҳаёт ўзаро иззат-ҳурмат тамойиллари асосида ташкил этилади.