UWC Adriatic мактабида таълим Халқаро бакалавриат дастури International Baccalaureate Diploma Program (IBDP) асосида амалга оширилади. Коллежда стандарт фанлардан ташқари араб, словен, серб, хорват ва босния тиллари, жаҳон маданият тарихи, экотизим ва санъат ўқитилади. Бундан ташқари талабалар италян тилини ҳам ўқишлари мумкин, лекин у IBDPнинг мажбурий дастурига кирмайди. Тил ўрганиш курслари якунига кўра, талабаларга алоҳида диплом/сертификат берилади.

CAS дастурининг барча элементларидан (creativity, action, service – “ижод, фаоллик, хизмат қилиш”) хизмат қилишга UWC Adriatic мактабида алоҳида эътибор берилади. Коллеж амалда маҳаллий ҳамжамиятнинг ҳаёти билан ўзаро боғланиб, турли йўналишда иш олиб борувчи минтақадаги волонтёрлик ташкилотлари билан ҳам кўп йиллар давомида яқиндан ҳамкорлик қилиб келади.

Ижтимоий фойдали ишлар:  итальян ва словен оилалари фарзандларига санъат сирларини ўргатиш, маҳаллий бошланғич мактабларда инглиз тилини ўқитиш, муросасизлик ва ирқчиликни олдини олишга қаратилган курашда турли маданиятларнинг бирлаштирувчи тақдимот ва тадбирлар ўтказиш, имконияти чекланган одамларга амалий ёрдам кўрсатиш, қочоқлар билан ишлаш, қишлоқдаги қариялар билан вақт ўтказиш, у ёки бу сабабларга кўра ўз уйидан ташқарига чиқолмайдиганлар билан мулоқотда бўлиш, қариялар уйини зиёрат қилиш, тиббий ёрдамга муҳтожларга тез ёрдам бериш, тез ёрдам кўрсатиш пунктида (маҳаллий Қизил Яримой жамиятининг бўлими кўмаки билан) тажриба ўрганиш, касалхона ва бошқа ташкилотларда қариялар ва касал беморлар учун концерт ва чиқишларни уюштириш, склероз касаллиги билан оғриган беморларни қўллаб-қувватлаш, имконияти чекланганлар орасида спорт ўйинлари ва турли маданий-орқартув тадбирлари ташкил этиш, ёшлар ва катталар ичида илмий-оммабоп тадбирлар ўтказиш ҳамда маҳаллий аҳолига инглиз тилини ўқитиш ва тиббий-ижтимоий ташкилотлар мижозлари ҳолидан хабар олиш каби йўналишларни ўз ичига олади.

Ижодий дастур эса AdriaticTimes блогини ўз ичига олади, унда керамика, шахмат, адабий маҳорат ва танқид, долзарб муаммоларни ўрганиш тўгараги, нотиқлик маҳорати клуби, рассомлик ва тикувчилик клуби, кинематограф ёрдамида маданиятни ўрганиш каби соҳаларни ўзлаштириш йўлга қўйилган. Шунингдек, бу йўналишда, БМТ модели, мусиқа дарслари, (хор, мадригал – шеърий жанр, фортепьяно, яккахонлик, мусиқани англаш учун турли курслар, мусиқий композициялар, мусиқа асбобларини чалишини ўрганиш, ансамблар, мусиқий шоу), фототўгараклар, робототехника, Philosophy, TEDx UWC Adriatic, битирувчилар фотоальбомини тайёрлаш ҳамда WEB2.0 бўйича иш олиб борилади.

UWC AdriaticАдриатис денгиз, яъни ярми ёпиқ денгиз ва (Карний ва Гайльталь баланд тоғлари) оралиғида жойлашган қулай имкониятдан фойдаланиб, талабаларга спорт турлари билан шуғулланишни ўргатади. Бугунги кунда талабалар: аэробика, бадминтон, ҳалқасимон машқлар, қояларга чиқиш, замонавий рақс, нотекис йўлларда югуриш,  пиёда юриш, қайиқларда сузиш, аралаш курашлар,  спорт машғулотлари, футбол, сузиш, теннис,  варрак учириш ҳамда йога каби машғулотларда ҳам қатнашадилар.

UWC Adriatic коллежининг синфлари ва яшаш корпуслари Дуино қишлоғида жойлашган. Коллежда 8 та ётоқхонадан ташқари, “Менза” номли ошхона, ўқув биноси, санъат маркази, илмий лабораториялар, кутубхона, тиббий маркази, йиғилишлар зали ҳамда Халқаро жамоат мусиқий академияси (ICMA) бор.

Дуино – Триеста шаҳридан бир соатлик йўлда жойлашган денгиз олдидаги гўзал қишлоқ. Бу сокин ва хавфсиз жой бўлиб, унда талабалар соғлом турмуш тарзига амал қилиш имкониятига эга. Дуино қишлоғидан Венецияга ниҳоятда қулай, словен чегаралари эса бу ердан атиги бир неча километр масофада жойлашган.

Талабалар UWC Adriaticга ўқишга кириш учун ўз давлатларида жойлашган Миллий Қўмиталар орқали ариза беришлари мумкин ёки UWC Global Selection Programme мурожаат қилишлари мумкин. UWC Atlantic ҳақида қўшимча маълумот олиш учун вебсайтга ташриф буюринг.