16-19 ёшлилар учун мос бўлган икки йиллик Атлантика диплом дастури икки қисмдан иборат: Халқаро бакалавр (IBDP) ўқув дастури ва тинчлик, барқарор келажак ва талабалар ташаббусининг асосий жиҳатларига бағишланган амалий ўқув дастури. Улар Курт Ханнинг инновацион фалсафаси, Бирлашган Жаҳон талабалар ҳаракати ва Алек Петерсоннинг таълим фаолияти туфайли ўзаро боғлиқ ва умумий меросга ега.

Дастур коллеж миссиясини амалда тақдим этади. У умрбод жамоат ишларига, жамоавий ишларга ва ижтимоий алоқаларнинг содиқликка қаратилган бўлиб, ёшларнинг шахсий ташаббускорлик ҳисси ва етакчилик қобилиятларини ривожлантиради. Талабалар ишонч, чинакам масъулият ва қарор қабул қилиш позицияларини эгаллайдилар, шунингдек ҳаракатлар ва шахсий намуналар орқали дунёдаги ижобий ўзгаришларга содиқлигини намойиш этадилар.

Коллежнинг синфдан ташқари дастурлари тўрт тажрибавий фанлардан иборат. Улар: “Атроф муҳит”, “Дунё фуқаролиги ва дунё”, “Ижтимоий адолат” ҳамда “Фаол турмуш тарзи”дир. Бу фанлар,  талабаларга  биринчилар қаторида бўлиш, ҳаётда ўз йўлларини топиш, ҳар қандай хавф-хатарга бардош бериш, омадсизлик қўрқувини бартараф этиш, ўзларнинг кучли  ва заиф томонларини тушуниш ҳамда умумий ишга ўз имкониятлардан келиб чиқиб, ҳисса қўшишда ёрдам беради Ҳар бир фан икки босқичдан иборат. Биринчиси ижтимоий йўналишга қаратилган дастурларда иштирок этиш бўлса, иккинчиси ўқувчилар ташаббуслари ҳамда ўз лойиҳалари устида ишлаш каби  турли тадбирларни қамраб олади.

UWC Atlantic – жуда ҳам ўзига хос Авлиё Донат (ХII аср) қалъасида жойлашган. Қалъада йиғилиш учун мўлжалланган зал ва синфхоналар мавжуд.

Бу ерда талабалар 8 та махсус қурилган  ётоқхоналарда яшайдилар ва уларнинг ҳар бирига тахминан 48 нафар ўқувчи жойлашади. Ўғил боллар ва қизлар бинонинг бошқа-бошқа қанотларида яшайдилар. Ҳар бир ётоқхонада тарбиячи мавжуд бўлиб, у ўзининг аксар вақтини талабалар билан мулоқотда бўлиш ва уларни қўллаб-қувватлашга бағишлайди. Тарбиячилар  ётоқхоналар ёнидаги алоҳида уйларда яшайдилар.

Кампус ҳудудида синфхоналар, кутубхона ва ошхона, ёпиқ ва очиқ бассейн бор, шунингдек ўрмон, боғ ва мактаб томорқасини ўз ичига олади.

UWC Atlantic Буюк Британиянинг Уэльс жанубий соҳилида, яъни Уэльс пойтахти Кардифф ва Бридженд шаҳри яқинида жойлашган. Бу ерга, замонавий транспорт  воситалари - автобус, поезд ҳамда ҳаво йўллари орқали етиб олиш мумкин.

Талабалар UWC national committee ёки UWC Global Selection Programme мурожаат қилишлари мумкин. UWC Atlantic ҳақида қўшимча маълумот олиш учун websiteга ташриф буюринг.