Бу ерда таълим Халқаро бакалавриат дипломлар дастури (International Baccalaureate Diploma Program, IBDP) асосида олиб борилади. Талабалар коллежда стандарт фанларга қўшимча  рус, немис ва  испан тиллари, халқаро сиёсат, фалсафа театр ва санъат соҳаларида ҳам таълим оладилар.
UWCда таълимнинг асоси тажрибали ўрганиш бўлганлиги сабабли, профессор-домлалар ва ходимлар талабаларига ўз тажрибаларини акс эттириш, диалог ва истиқбол орқали тушуниш учун тадбирларда қатнашиш имкониятини беради. 
1 нафар ўқитувчига 5 нафар талаба нисбати билан коллеж ҳар бир талабага индивидуал ёндашишни таъминлаб, унга энг яхши таълим тажрибасини кафолатлайди. Ўқитувчилар UWC Dilijanга қўшилишидан олдин халқаро ва IB дипломидаги ўқитиш тажрибасига эга бўлиб келадилар.

UWC Dilijan   мактабида  синфдан ташқари дастур тўрт таркибий қисмдан - “Ижод, фаоллик, хизмат қилиш” (CAS), лойиҳа ҳафталари, турли мавзулар ҳафталиги ва маданий истироҳат қилишдан иборат.

Ушбу дастур UWC Dilijan талабаларига шахсий кучли ва ўсиш соҳаларини аниқлашга, ўз салоҳиятини ривожлантиришга, ўзларини синаб кўришга ва қулайлик зонасидан ташқарига чиқишга ёрдам беради. Шунингдек, бу уларга Арманистон контексти билан яхшироқ танишиш, жамоат иши ахлоқини ривожлантириш, глобал аҳамиятга эга бўлган масалаларда иштирок этиш ва жамоавий иш ва лойиҳаларни бошқариш кўникмаларини ривожлантиришга ёрдам беради. Талабалар маҳаллий ҳамжамият - Дилижан жамоат маркази, Дилижан ва қўшни қишлоқлардаги болалар боғчалари, шунингдек, болалар ва аҳолининг заиф қатламлари билан ишлайдиган ташкилотлар билан яқин ҳамкорлик қилади.

UWC Dilijan мактабининг таълим олиш дастури пиёда сайр қилиш, чанғи учиш, тоққа чиқиш, парусда сузишҳамда спеологик экспедицияларда иштирок этиш ва Дилижон аҳолисини, ён-атрофдаги қишлоқларнинг шароити билан танишиш каби йўналишларни қамраб олади. Ўз навбатида бу фаолият талабаларга маданий соҳада тажриба алмашиш, атроф-муҳитни тизимли ўрганиб бориш ҳамда экология соҳасида янги лойиҳалар яратишни ўргатади.

UWC Dilijan   мактабининг  кампуси – яшаш ва ўқиш учун жуда қулай. Бу ерда талабалар фитнес-марказ ва кўп тармоқли спорт зали,  ёпиқ бассейн, футбол ва волейбол ўйнаш учун майдон,  сквош, баскетбол ва тенис кортларидан фойдаланиш имконига эга. UWC Dilijan   мактабида кутубхона ва компьютер маркази, ошхона, тиббиёт ҳамда Black Box саҳна санъати учун марказ, кулолчилик устахонаси мавжуд.  Кампусни қуриш пайтида  қайта тиклаш технологиялари, сув таъминотида  булоқ сувларидан фойдаланиш, суғоришда ёмғир сувларидан фойдаланиш ва оқава сувларни қайта ишлаш йўлга қўйилган.

UWC Dilijan   мактаби Арманистон марказида, пойтахт Еревандан 100 км масофада, Дилижон шаҳрининг тоғолди водийсида,  ХVI асрдан бошлаб машҳур Дилижон миллий парки ҳудудида жойлашган.

Талабалар UWC national committee ёки UWC Global Selection Programme мурожаат қилишлари мумкин. UWCDilijan ҳақида қўшимча маълумот олиш учун вебсайтга ташриф буюринг.