Skip to content ↓
map

UWC Mostar

Мостар,

Босния ва Герцоговина

Талабалар сони: 200 нафар

Талабалар ёши: 16 дан 19 ёшгача

Founded

2006

3 March 2017

Коллеж 1990 йилларда Босния ва Герцеговина ҳамда қўшни Болқон давлатларида бўлган уруш чоғида этник тўқнашувлар рўй берган Мостар шаҳрида жойлашган. Бугунги кунда UWC Mostar бу Бирлашган дунё коллежлари (United World Colltges) тизимидаги ягона мактаб бўлиб,  уруш тугагандан кейин, мазкур минтақада  очилган. Коллежнинг мақсади  “ Босния ва Герцеговина жамиятининг бирлаштириш учун янги авлодни билим, маҳорат, етакчилик сифатлари ва халқаро қадриятлар билан тарбиялаб,  ҳозиргача этник белгиларга кўра  бўлинганларни бир жойга тўплаб,  мамлакатни ХХI аср давомида  гуллаб яшнашга йўналтиришдир”.

Ноёб учта хусусият

  • UWC Mostar – бу  этник можароларни бошидан кечирган жамиятни қайта тиклашдек аниқ мақсадга эга UWC тизимидаги биринчи коллеж. Коллежда  турли миллатлар орасидаги  фарқни тушуниш ва қабул қила билиш, шунингдек тенглик, толерантлик ва танқидий фикрлаш тамойилларига риоя қилишга ўргатади.
  • Маҳаллий ҳамжамият UWC Mostar мактабини асосини талабалар ва маҳаллий аҳоли ўртасидаги бирликдаги ҳаракат ташкил этади. Талаба ва ўқитувчилар  Мостар ва бошқа ҳудудларда яшовчи аҳоли иштирок этадиган йиллик лойиҳаларни ташкил этадилар.
  • “Ҳаракатдаги таълим” жамғармаси  UWC Mostar мактаби “Ҳаракатдаги таълим” жамғармаси (Foundation Education in Action) томонидан таъсис этилган бўлиб,  Босния ва Герцеговинада таълим соҳасидаги ислоҳотларни амалга ошириш, юқори малакали ўқитувчиларни тайёрлаш ҳамда амалда объектив синовлар ўтказишдан фойдаланиш ва таълим соҳасида янги ва илғор  бўлган дастур ва усулларни қўллаш унинг вазифаларидан саналади.
Синфда 

UWC Mostar мактабида таълим  Халқаро бакалавриат дипломлар дастури International Baccalaureate Diploma Program (IBDP) асосида олиб борилади.  Бу ерда стандарт фанлар билан бирга коллеж талабалари Босния ва Хорватиянинг адабиёти, антропология, иқтисодиёт, экология тизими ва тасвирий санъатни ҳам ўрганиш имкониятига эга.

Синфдан ташқари  

UWC Mostar мактаби барча муҳим умумшаҳар тадбирларда иштирок этади.  Улардан бири – кўча санъати фестивали бўлиб, унда Мостарнинг барча томонларидан  келган ёшлар  шаҳар муҳитини янада жонлаштириш мақсадида баҳамжиҳат ижод билан шуғулланадилар. Улар уруш бошлангунга қадар  шаҳарда мавжуд бўлган муҳитни тиклаш тадбирларида қатнашадилар. Ҳар йили кўча санъати фестивали UWC Mostar мактабининг  бу  йўналишдаги муҳим ва барчани бирлаштирувчи тадбирларидан бири бўлиб, у қобилиятли ёшларга турли гуруҳларга бўлиниб кетган,    унчалик яхши бўлмаган ўзаро муносабатни тиклаш ва ижодий жараёнларда биргаликда қатнашиш имконини беради.

Коллеж туфайли Мостар шаҳрида Босния ва Герцеговинада илк маротаба БМТ модели ташкил этилди. Коллеж  йилда бир марта ўтказиладиган Қишги санъат фестивалини ташкил этади. Бунда шаҳарнинг  кўпгина майдонларида  талабаларнинг янг яхши ишлари намойиш этилади.

 2010 йилдан бошлаб коллеж талабалари Босния ва Герцеговинани  робототехника йўналиши бўйича ўтказиладиган халқаро мусобақалар (FIRST Robotics Competition) да иштирокини таъминлайди. Бу эса, йигит ва қизларни фан, техника, технология ва математикага  қизиқишларини янада оширади. Натижада улар кўпгина  мусобақаларда қатнашиб, совринли ўринларни олган.

Қисқа  муддатли курслар 

UWC Mostar мактаби  Босния ва Герцеговина ҳамда бошқа давлатлардан келган юқори синф ўқувчилари учун “Ўзгаришлар тўлқини” (Waves for Change) номли қисқа муддатли курсларни ташкил этиб, унда иштирокчилар  ижтимоий ислоҳотлар масалалари ва куч илатилмайдиган сиёсий норозилик усулларини  етакчи маҳаллий ва фаол халқаро сиёсатчилар билан муҳокама этади.

Кампус 

UWC Mostar га хос турли маданият ва бой анъаналар шаҳарнинг тарихий ғарбий қисмида, шунингдек  жанубий қисмида жойлашган ётоқхоналарда ёрқин акс этган. Ўқиш Мостар марказида жойлашган шаҳар гимназиясида бўлади.  Бу гимназия  илмий лаборатория, кенг ва ёруғ кутубхона ҳамда катта мажлислар залидан UWC Mostar билан бирга фойдаланади.  Гимназиянинг  спорт инфраструктураси, жумладан спорт зали, футбол ва гандбол ўйнаш учун майдон, волейбол майдони, югуриш йўлаклари ва узунликка саклаш йўлагидан  UWC Mostar мактаби талабалари ҳам фойдаланадилар. Коллежнинг қвҳвахонаси ўқув биноларига яқин жойлашган.  Бадиий ва театр студиялари  ҳамда мусиқа хонаси “Мусала” ётоқхонасидан ўрин олган.

Жойлашган манзили 

UWC Mostar мактаби  Босния ва Герцеговинанинг жанубидаги Мостар шаҳрида жойлашган. Хорватия ва Черногория чегарасидаги қулай, хушҳаво жойда жойлашгани боис шаҳарга кўплаб саёҳатчилар келади. UWC Mostar мактаби – Жанубий-шарқий Европадаги   UWC ҳаракатининг ягона коллежи ҳисобланади.

Қабул қилиш тартиби 

Номзодлар ўқишга кириш учун ўз давлатларида жойлашган миллий қўмиталар орқали ариза беришлари мумкин.  Муҳожирлар фарзандларида  Босния ва Герцеговинадаги  бошқа халқаро мактабларда  ўқиш имконияти бўлмагани боис улар мазкур коллежга тўғридан тўғри ариза бера оладилар.

You have not allowed cookies and this content may contain cookies.

If you would like to view this content please

Contact Details


United World College in Mostar
Španski trg 1
88000 Mostar, Bosnia and Herzegovina

18 Colleges
Worldwide